प्रभाग २३ मध्ये तुंबलेली नाली तत्काळ साफ; नागरिकांना दिलासा

 पापा भाई मोमीन यांच्या घरासमोरील नालीमुळे रस्त्यावर साचले होते पाणी

प्रभाग क्रमांक २३ मध्ये पापा भाई मोमीन यांच्या घरासमोरील नाली तुंबल्यामुळे नालीचे सांडपाणी थेट रस्त्यावर साचत होते. त्यामुळे नागरिकांना रस्त्यावरून ये–जा करताना मोठ्या अडचणींचा सामना करावा लागत होता. त्याच परिसरात आज एका कुटुंबातील व्यक्तीचे दुःखद निधन झाल्याने अंत्यविधी व इतर कामांसाठी रस्त्याची तत्काळ साफसफाई करणे अत्यावश्यक बनले होते.

या बाबत माहिती मिळताच नगरसेवक वाजेद जावेद कुरेशी यांनी तात्काळ दखल घेत जेसीबी, टेंपो व नगरपालिकेच्या कर्मचाऱ्यांसह संबंधित ठिकाणी स्वच्छता मोहीम राबवली. तुंबलेली नाली साफ करून साचलेले पाणी काढण्यात आले, त्यामुळे रस्ता वाहतुकीसाठी मोकळा झाला.

या तत्पर कारवाईमुळे परिसरातील नागरिकांनी समाधान व्यक्त केले. यावेळी पत्रकार समीर सरकार, मोमीन पापा भाई, नाजिम भाई रक्से तसेच परिसरातील नागरिक मोठ्या संख्येने उपस्थित होते.