१ मेच्या आंदोलनाला ‘पोलीस हक्क संघर्ष संघटना’चा जाहीर पाठिंबा

 बीड़ येथे अल्पसंख्याक मुस्लिम समाजाच्या न्याय व संरक्षणासाठी होणाऱ्या आंदोलनात संघटनेचा सक्रिय सहभाग; शांतता आणि न्यायासाठी पूर्ण सहकार्याची घोषणा

बीड हलचल: अल्पसंख्याक मुस्लिम समाजाच्या न्याय हक्कांसाठी आणि संरक्षणासाठी १ मे रोजी बीड़ येथे आयोजित करण्यात आलेल्या एकदिवसीय लाक्षणिक आंदोलनाला ‘पोलीस हक्क संघर्ष संघटना’ने जाहीर पाठिंबा दर्शविला आहे.

संघटनेचे युवक जिल्हाध्यक्ष शेख जावेद जाफर यांनी प्रसिद्धीपत्रकाद्वारे ही माहिती दिली. समाजात शांतता, सुरक्षा आणि न्याय प्रस्थापित व्हावा ही संघटनेची भूमिका असल्याचे त्यांनी स्पष्ट केले.

या पार्श्वभूमीवर संबंधित आंदोलनात संघटनेचा सक्रिय सहभाग राहणार असून, आंदोलनकर्त्यांना पूर्ण सहकार्य देण्यात येईल, असेही त्यांनी नमूद केले.

शिवसेना अल्पसंख्याक प्रदेशाध्यक्ष सईद खान यांना विधानपरिषदेत आमदार म्हणून निवड करा – कमरान खान यांची आघाडीची मागणी

 

परभणी – महाराष्ट्र राज्यात सध्या विधानपरिषदेत रिक्त जागांसाठी सदस्यांची नियुक्ती होणार असून, या पार्श्वभूमीवर विविध पक्षांकडून इच्छुकांची नावे पुढे येत आहेत. त्यामध्ये शिवसेनेचे अल्पसंख्याक प्रदेशाध्यक्ष सईद खान यांचे नाव जोरदार चर्चेत आहे.

परभणी जिल्ह्यातील शिवसेनेचे कार्यकर्ते आणि पदाधिकारी आपल्या नेत्यासाठी पक्षप्रमुखांकडे आग्रह धरत असून, सईद खान यांना विधानपरिषदेत आमदार म्हणून संधी देण्याची मागणी वाढत आहे. या मागणीला अधिक बळ देत कमरान खान यांनी देखील सईद खान यांच्या नावासाठी जोरदार पाठपुरावा केला आहे.

सईद खान यांनी समाजातील सर्व घटकांना सोबत घेत काम केले असून, त्यांच्या कार्यामुळे समाजात एकोपा आणि विश्वास निर्माण झाला आहे. त्यांनी आरोग्य, शिक्षण आणि सामाजिक क्षेत्रात अनेक उपक्रम राबवून गरजू नागरिकांना मदत केली आहे.

त्यांच्या नेतृत्वाखाली अल्पसंख्याक समाजात शिवसेनेची पकड मजबूत झाली असून, पक्षाला मोठ्या प्रमाणात जनसमर्थन मिळाले आहे. त्यामुळे त्यांना विधानपरिषदेत संधी दिल्यास पक्षाला आणि समाजाला फायदा होईल, असे मत कमरान खान यांनी व्यक्त केले.

कमरान खान यांनी पुढे सांगितले की, सईद खान यांना आमदार केल्यास अल्पसंख्याक समाजात सकारात्मक संदेश जाईल आणि राज्यातील विकासाला चालना मिळेल. त्यामुळे पक्ष नेतृत्वाने योग्य निर्णय घ्यावा, अशी मागणी त्यांनी केली आहे.

नाझिया नुरूल हुसेन यांना अखेर न्याय; पोलीस हक्क संघर्ष संघटनेकडून अभिनंदनाचा वर्षाव

 जेबा मॅम (संस्थाध्यक्षा), कदीर साहेब (उपसंस्थाध्यक्ष) व जिल्हाध्यक्ष शेख जावेद यांची प्रतिक्रिया; न्याय मिळाल्याने समाधान व्यक्त

नाझिया नुरूल हुसेन यांना न्याय मिळाल्याबद्दल सर्वत्र समाधान व्यक्त होत असून, पोलीस हक्क संघर्ष संघटनेतर्फे त्यांचे अभिनंदन करण्यात आले आहे. या प्रकरणात न्याय मिळाल्यामुळे संबंधित कुटुंबास मोठा दिलासा मिळाला आहे.

संस्थाध्यक्षा जेबा मॅम, उपसंस्थाध्यक्ष कदीर साहेब तसेच जिल्हाध्यक्ष शेख जावेद यांनी नाझिया यांना शुभेच्छा देत हा न्यायाचा विजय असल्याचे सांगितले. त्यांनी पुढे सांगितले की, अन्यायाविरोधात लढा देणाऱ्यांना हा निर्णय प्रेरणादायी ठरणार आहे.

या घटनेमुळे समाजात न्यायव्यवस्थेवरचा विश्वास अधिक दृढ झाला असून, अन्यायग्रस्तांना पुढे येऊन आपले हक्क मिळवण्यासाठी प्रेरणा मिळणार असल्याचे मत व्यक्त करण्यात आले.

पाली (बीड) येथे वीज कोसळून शेतकऱ्याचा मृत्यू; अवकाळी पावसाने शेतीचे मोठे नुकसान

 वादळी वाऱ्यासह विजांचा कडकडाट; शेतात काम करताना ६२ वर्षीय वसंत राऊत यांचा जागीच मृत्यू

बीड जिल्ह्यात आज दुपारी अचानक वातावरणात मोठा बदल होऊन वादळी वाऱ्यासह विजांचा कडकडाट आणि मुसळधार पावसाची सुरुवात झाली. या अवकाळी पावसामुळे जनजीवन विस्कळीत झाले असून शेतकऱ्यांमध्ये चिंतेचे वातावरण निर्माण झाले आहे.

बीड शहरालगत असलेल्या पाली गावात सायंकाळी सुमारे पाच वाजण्याच्या दरम्यान दुर्दैवी घटना घडली. शेतात काम करत असताना वसंत रामराव राऊत (वय ६२) यांच्या अंगावर वीज कोसळली. या घटनेत त्यांचा जागीच मृत्यू झाला.

या घटनेमुळे पाली गावात शोककळा पसरली असून ग्रामस्थांकडून हळहळ व्यक्त केली जात आहे. दरम्यान, महसूल प्रशासन पंचनामा करण्यासाठी घटनास्थळी दाखल होणार असल्याची माहिती मिळाली आहे.

गेल्या आठ दिवसांपासून बीड जिल्ह्यात अवकाळी पावसाचे सत्र सुरू असून, यामुळे शेतकऱ्यांचे मोठ्या प्रमाणावर नुकसान होत आहे. हातातोंडाशी आलेली पिके वादळी वाऱ्यामुळे आणि पावसामुळे उद्ध्वस्त होत असल्याने शेतकरी हवालदिल झाले आहेत.