महाराष्ट्र शासनाचा अधिकृत आदेश जारी; पुणे व बीड जिल्ह्याची जबाबदारी सुनेत्रा पवारांकडे
बीड, दि. ३ (प्रतिनिधी) – महाराष्ट्र राज्याच्या उपमुख्यमंत्री श्रीमती सुनेत्रा अजित पवार यांची बीड जिल्ह्याच्या पालकमंत्री म्हणून नियुक्ती करण्यात आली आहे. याबाबतचा अधिकृत शासन निर्णय सामान्य प्रशासन विभागाने आज जाहीर केला.
यापूर्वी पुणे व बीड जिल्ह्याचे पालकमंत्री म्हणून दिवंगत उपमुख्यमंत्री अजित अनंतराव पवार कार्यरत होते. त्यांच्या दुर्दैवी निधनामुळे या दोन्ही जिल्ह्यांचे पालकमंत्रीपद रिक्त झाले होते. त्या पार्श्वभूमीवर शासनाने निर्णय घेत उपमुख्यमंत्री सुनेत्रा पवार यांच्याकडे पुणे व बीड जिल्ह्याची पालकमंत्री म्हणून जबाबदारी सोपवली आहे.
या नियुक्तीमुळे बीड जिल्ह्यातील प्रशासकीय कामकाजाला गती मिळेल तसेच विकासकामांना चालना मिळेल, अशी अपेक्षा व्यक्त केली जात आहे. शासनाचा हा आदेश डिजिटल स्वाक्षरीसह महाराष्ट्र शासनाच्या संकेतस्थळावर उपलब्ध करण्यात आला आहे.
No comments:
Post a Comment