बस स्टँड समोरील अतिक्रमण फुले देऊन काढून घेतले

 प्रशासनाची अनोखी कारवाई; संवादातून व्यापाऱ्यांनी स्वखुशीने हटवले अतिक्रमण

शहरातील बस स्टँड परिसरातील वाढते अतिक्रमण दूर करण्यासाठी प्रशासनाने अनोखी पद्धत अवलंबत फुले देऊन संबंधितांना जागा मोकळी करण्याचे आवाहन केले. या सकारात्मक आणि सुसंवादी उपक्रमाला व्यापाऱ्यांनीही चांगला प्रतिसाद देत स्वखुशीने अतिक्रमण काढून घेतले.

या कारवाईमुळे बस स्टँड परिसरात मोकळीक निर्माण झाली असून प्रवाशांना ये-जा करण्यास मोठी सोय झाली आहे. प्रशासनाच्या या अनोख्या उपक्रमाचे नागरिकांकडूनही कौतुक केले जात आहे. पुढील काळातही अशा पद्धतीने अतिक्रमणमुक्त मोहिम राबवण्याचा मानस प्रशासनाने व्यक्त केला आहे.