सोलापूर–औरंगाबाद मार्गावरील बसमध्ये अचानक धूर; प्रवाशांना सुरक्षित बाहेर काढून वाहतूक काही काळ रोखली
बीड (प्रतिनिधी) – बीड बसस्थानकासमोरील मुख्य रस्त्यावर आज सकाळी सोलापूरहून औरंगाबादकडे जाणाऱ्या इलेक्ट्रिक बसमध्ये अचानक तांत्रिक बिघाड झाल्याने बसमधून धूर निघू लागला. ही घटना रस्त्यावर घडल्यामुळे काही काळ वाहतुकीवर परिणाम झाला व प्रवाशांमध्ये घबराट निर्माण झाली.
घटनेची माहिती मिळताच तेथे उपस्थित वाहतूक पोलिसांनी तात्काळ धाव घेत परिस्थिती नियंत्रणात आणली. बसमधील सर्व प्रवाशांना सुरक्षितपणे खाली उतरवण्यात आले. तसेच रस्त्यावर वाहतूक कोंडी होऊ नये यासाठी काही काळ वाहतूक थांबवून पर्यायी मार्गाने वळविण्यात आली.
या वेळी वाहतूक पोलीस हवालदार आदिनाथ मुंडे, पोलीस हवालदार राजाभाऊ तांदळे, संतोष हरके, पोलीस शिपाई राहुल घाडगे व पोलीस शिपाई राजू काळे यांनी तत्परता दाखवत मोठी दुर्घटना टाळली.
सुदैवाने या घटनेत कोणतीही जीवितहानी झाली नसून संबंधित विभागाकडून बसमधील तांत्रिक बिघाडाची तपासणी सुरू असल्याची माहिती मिळाली आहे.
घटनेनंतर काही काळ परिसरात तणावाचे वातावरण निर्माण झाले होते; मात्र पोलिसांच्या दक्षतेमुळे परिस्थिती लवकरच सुरळीत झाली
No comments:
Post a Comment