माजलगांव (प्रतिनिधी): माजलगांव शहर पोलिस स्टेशनचे दबंग व कर्तव्यदक्ष पोलिस निरीक्षक (पी.आय.) राहुल सूर्यतळ यांनी उस्मानिया फाउंडेशनच्या कार्यालयाला सदिच्छा भेट देत संस्थेच्या कार्याची माहिती घेतली.
बीड जिल्ह्यातील माजलगांव तालुक्यात कार्यरत असलेली उस्मानिया फाउंडेशन ही सामाजिक संस्था गरजू व आर्थिकदृष्ट्या दुर्बल घटकांसाठी मदतीचा हात देत आहे. विशेषतः रुग्णालयात उपचारासाठी आर्थिक अडचणीत सापडलेल्या रुग्णांना संस्थेमार्फत आर्थिक सहाय्य केले जाते. तसेच गरीब कुटुंबांना आवश्यक ती मदत वेळोवेळी पुरवली जाते.
या भेटीदरम्यान पी.आय. राहुल सूर्यतळ यांनी संस्थेच्या पदाधिकाऱ्यांशी संवाद साधून त्यांच्या सामाजिक उपक्रमांचे कौतुक केले. समाजातील गरजूंना मदत करणाऱ्या संस्थांना प्रशासनाचे सहकार्य राहील, असा विश्वास त्यांनी व्यक्त केला.
उस्मानिया फाउंडेशनच्या वतीनेही पोलिस प्रशासनाचे आभार मानण्यात आले. समाजहिताच्या कार्यात पोलिस व सामाजिक संस्था यांनी एकत्रितपणे काम केल्यास अधिक परिणामकारक मदत करता येईल, असा विश्वास व्यक्त करण्यात आला.
माजलगांवमध्ये सामाजिक बांधिलकी जपत कार्य करणाऱ्या उस्मानिया फाउंडेशनच्या या कार्याचे सर्व स्तरातून स्वागत होत आहे.
No comments:
Post a Comment