पाटोदा हद्दीत घरफोडी करणाऱ्या तिघांना स्थानिक गुन्हे शाखेची बेडी

 

बीड हलचल प्रतिनिधी:- बीड जिल्ह्यातील पाटोदा पोलीस ठाणे हद्दीत घडलेल्या घरफोडी प्रकरणाचा स्थानिक गुन्हे शाखेने छडा लावून तिघा आरोपींना अटक केली आहे. दि. 23 फेब्रुवारी 2026 रोजी प्रसिद्ध करण्यात आलेल्या प्रेस नोटनुसार ही कारवाई करण्यात आली.

पोलीस ठाणे पाटोदा गु.र.नं. 45/2026 कलम 331(2), 305 भारतीय न्याय संहिता अन्वये दाखल गुन्ह्याचा तपास सुरू असताना दि. 20 फेब्रुवारी 2026 रोजी स्थानिक गुन्हे शाखेला गुप्त माहिती प्राप्त झाली. त्यानुसार ज्योतीराम शरद भोसले (वय 25), राहुल काशीनाथ पवार (वय 20) व बबनेश उर्फ बाबुशा भोसले (वय 20, सर्व रा. जामखेड, जि. अहमदनगर) यांनी मिळून सदर घरफोडी केल्याचे निष्पन्न झाले.

स्थानिक गुन्हे शाखेच्या पथकाने सापळा रचून आरोपींना ताब्यात घेतले. चौकशीदरम्यान त्यांनी गुन्ह्याची कबुली दिली. आरोपींकडून गुन्ह्यात वापरलेली मोटारसायकल जप्त करण्यात आली असून चोरीस गेलेल्या मुद्देमालापैकी सुमारे दोन लाख रुपयांची रोकड हस्तगत करण्यात आली आहे. आणखी काही गुन्हे उघड होण्याची शक्यता पोलिसांनी व्यक्त केली आहे.

ही कामगिरी मा. पोलीस अधीक्षक श्री. नवनीत कावत व मा. अपर पोलीस अधीक्षक बीड श्री. सचिन पांढरकर यांच्या मार्गदर्शनाखाली, पोलीस निरीक्षक स्थानिक गुन्हे शाखा बीड श्री. शिवाजी बेंडेवाड यांच्या नेतृत्वात पार पडली.

कारवाईत सहभागी अधिकारी व अंमलदार यामध्ये –

पोउपनिरीक्षक खटावकर,

पोहे/सोमनाथ गायवाड,

पोहे/बाबू सानप,

पोहे/राहुल शिंदे,

पोअं/अर्जुन यादव,

पोअं/मनोज परशुराम,

पोअं/अशफाक सय्यद,

चापो/वडमारे व मांजरे यांचा समावेश होता.

पुढील तपास पोलीस ठाणे पाटोदा करीत आहेत.