माजरसुंबा घाटाच्या पायथ्याशी, पाली मांजरी फाट्याजवळ अवघ्या एक किलोमीटर अंतरावर भीषण अपघात झाला. कारने कारखान्यातून येणाऱ्या ट्रॅक्टरला मागून जोरदार धडक दिल्याने हा अपघात घडला.
धडकेनंतर कारच्या पुढील बाजूस बसलेला एक प्रवासी रस्त्यावर खाली पडला. यावेळी ट्रॅक्टरचे चाक डोक्यावरून गेल्याने त्याचा जागीच मृत्यू झाला. या अपघातात आणखी तीन जण जखमी झाले असून त्यांच्यावर रुग्णालयात उपचार सुरू आहेत.
अपघाताची माहिती मिळताच पोलीस घटनास्थळी दाखल झाले. मृतदेह ताब्यात घेऊन पंचनामा करण्यात आला असून घटनेचा पुढील तपास सुरू आहे. अपघातामुळे काही काळ वाहतूक विस्कळीत झाली होती.
No comments:
Post a Comment