चार जणांचा राडा; मारहाणीचा थरार सीसीटीव्हीत कैद, व्हिडीओ व्हायरल
बीड (प्रतिनिधी) :बीड जिल्ह्यातील शिरूर कासार तालुक्यात पुन्हा एकदा कायदा-सुव्यवस्थेचा प्रश्न ऐरणीवर आला आहे. तालुक्यातील खालापुरी येथील एका हॉटेलमध्ये चार जणांनी ३२ वर्षीय तरुणावर लोखंडी रॉड, चाकू व लाकडी काठ्यांनी अमानुष मारहाण केल्याची धक्कादायक घटना घडली आहे. ही संपूर्ण घटना हॉटेलमध्ये लावलेल्या सीसीटीव्ही कॅमेऱ्यात कैद झाली असून संबंधित व्हिडीओ सध्या सोशल मीडियावर मोठ्या प्रमाणात व्हायरल होत आहे.
या हल्ल्यात नितीन लोंढे (वय ३२) हा तरुण गंभीर जखमी झाला असून त्याच्यावर बीड जिल्हा रुग्णालयात उपचार सुरू आहेत. मारहाणीची माहिती मिळताच शिरूर कासार पोलिसांनी तात्काळ घटनास्थळी धाव घेत तपास सुरू केला.
या प्रकरणी रोहित गायकवाड, शुभम लोंढे, आसिफ शेख व साहिल पठाण या चार जणांविरोधात शिरूर कासार पोलीस ठाण्यात गुन्हा दाखल करण्यात आला आहे. मात्र, हल्ल्याचे नेमके कारण अद्याप स्पष्ट झालेले नसून पोलीस अधिक तपास करत आहेत. या घटनेमुळे परिसरात भीतीचे वातावरण पसरले आहे.
No comments:
Post a Comment