पवित्र रमजान महिन्यानिमित्त नेकनूर ग्रामपंचायतीच्या वतीने दावत-ए-इफ्तार कार्यक्रमाचे आयोजन करण्यात आले होते. या कार्यक्रमाला विविध राजकीय व सामाजिक क्षेत्रातील मान्यवरांनी उपस्थित राहून मुस्लिम बांधवांना रमजानच्या शुभेच्छा दिल्या.
यावेळी राष्ट्रवादी काँग्रेसचे महाराष्ट्र प्रदेश उपाध्यक्ष शेख महेबुब भाई, माजी आमदार पृथ्वीराज साठे, राष्ट्रवादी काँग्रेसचे जिल्हा उपाध्यक्ष (बीड) व माजी जिल्हा परिषद सदस्य नारायण बप्पा शिंदे, तसेच पंचायत समिती सदस्य पठाण फेरोज खान यांची प्रमुख उपस्थिती होती.
कार्यक्रमाला सरपंच सुंदर लांडगे, उपसरपंच सचिन भैय्या शिंदे, ग्रामविकास अधिकारी तसेच सर्व ग्रामपंचायत सदस्य उपस्थित होते. पंचक्रोशीतील विविध मान्यवर व हिंदू-मुस्लिम बांधव मोठ्या संख्येने सहभागी झाले होते.
या प्रसंगी ग्रामपंचायत सदस्य राजा भैय्या, सय्यद रहीम, नदीम मंडोला आणि सय्यद रिजवान यांनी उपस्थित मान्यवरांचा शाल व श्रीफळ देऊन सत्कार केला. पंचायत समिती सदस्य पठाण फेरोज खान यांच्या प्रमुख उपस्थितीत मान्यवरांचा सन्मान करण्यात आला.
कार्यक्रमात सामुदायिक सौहार्दाचे वातावरण पाहायला मिळाले असून, हिंदू-मुस्लिम बांधवांनी एकत्र येत रमजानच्या पवित्र महिन्याचे स्वागत केले.
No comments:
Post a Comment