सद्यस्थितीत देशात सुरू असलेल्या युद्धजन्य परिस्थितीच्या पार्श्वभूमीवर बीड जिल्ह्यात इंधन टंचाई निर्माण झाल्याची अफवा काही ठिकाणी पसरत आहे. या अफवेमुळे काही पेट्रोल पंपांवर नागरिकांनी वाहनांमध्ये अतिरिक्त इंधन साठवण्यासाठी गर्दी केल्याचे दिसून आले आहे.
या संदर्भात जिल्हाधिकारी कार्यालय, बीड (पुरवठा शाखा) यांच्याकडून प्रसिद्धीपत्रक जारी करण्यात आले आहे. त्यानुसार बीड जिल्ह्यात पेट्रोल व डिझेलचा साठा पर्याप्त प्रमाणात उपलब्ध असून इंधन पुरवठा सुरळीत सुरू आहे. सर्व पेट्रोल पंपांना नियमितपणे इंधनाचा पुरवठा केला जात आहे.
प्रशासनाने नागरिकांना आवाहन केले आहे की, कोणत्याही अफवांवर विश्वास ठेवू नये तसेच पेट्रोल पंपांवर अनावश्यक गर्दी करू नये. चुकीची माहिती पसरविणाऱ्यांवर कायदेशीर कारवाई करण्यात येईल, असा इशाराही देण्यात आला आहे.
नागरिकांनी संयम बाळगून प्रशासनास सहकार्य करावे, असे आवाहन जिल्हा पुरवठा अधिकारी शिवकुमार स्वामी यांनी केले आहे.
No comments:
Post a Comment